Dapa, Surigao del Norte – Nadakpan sa gilusad na drug buy bust operation pinaagi sa mga personahe sa Dapa MPS an drug suspek na babaje didto sa Burgos Street, Purok 1, Barangay 3, Poblacion, Dapa, Surigao del Norte.
An suspek isa ka 47 anyos na babaje, wayay trabaho, residente sa Dapa, Surigao del Norte.
Nasakmit gikan sa operasyon an duha ka plastic heat-sealed sachet na jaoy suyod na gidudahang shabu na gibana-bana an gibug-aton na 0.3298 grams ug an kinatibuk-ang kantidad sa presyo sa drugas P2, 242.64; unom kabuok P1,000.00 peso bill isip marked money; ug usa ka unit na aspira cellular phone.
An dinakpan na suspek ug an tanan na nakumpiska na mga ebedensiya an jaon sa kustodiya sa Dapa Municipal Police Station alang sa tukmang disposasyon. (Ronda 21 Mark James Lisondra, photo courtesy of SDNPPO)