Kuman na adlaw pormal na nahi-turn-over ni Gov. Lalo Matugas an Siargao District Hospital ngadto sa Department of Health (DOH) para sugod kuman na adlaw pagatawgon na ini na Siargao Island Medical Center na Level II General Hospital ilayom na sa DOH. Ini na an hingpit na pag-implementar nan ato balaud na RA 11500 na ato tagpaningkamutan sa Kongreso na nahimo nan balaud an Nobyemre 13, 2020.
Salamat karajaw sa tanan na nagtabang para matuman ini na damgo. Salamat kan Senator Bong Go na amoy nagfile nan Senate counterpart bill sanan amoy nangusog para maaprubahan ini na balaud ni Presidente. Salamat kan Presidente Duterte sa pag-prioritize nan mga hospital bills an tuig 2020 tungod sa pandemya.
Salamat sab labi na sa transition team gikan sa DOH Central Office, DOH – Caraga, Siargao District Hospital, sanan nan Provincial Government ubos sa pagdumaya ni Gov. Lalo Matugas na amoy nagtabang para mahuman an transition sanan makumpleto an pag-turn-over sa national government para makasugod na gajud an operasyon nan DOH hospital sa Siargao.
Ini na hospital an katumanan nan ako damgo para sa mga Siargaonon. Kay an himsog sanan lagsik na Siargaonon, bagtik!
(Source: Cong Bingo Matugas Facebook page)