Gideklarar ni PCOL Laudemer M. Laude nga malampuson an seguridad an Serbisyo Caravan ni Gov. Robert Lyndon S. Barbers gikan nan Abril 27 hangtod Mayo 1, 2024.
Ubos sa mando ni POLICE COLONEL LAUDEMER M. LAUDE, an tanang police units nipatuman ug hugot nga security measures ug nakatutok sa police operations pinaagi sa pagdeploy ug 50 ka police personnel suyod sa lima ka adlaw nga gidugayon sa caravan sa walo ka lain-laing sa Siargao Island.
An Serbisyo Caravan gipasiugdahan ni Gov. Robert Lyndon S. Barbers sa Probinsiya sa Surigao del Norte nitanyag ug 16 ka serbisyo gikan sa lain-laing ahensya sa gobyerno ug pribadong sektor ngadto sa mga lumulupyo sa Siargao Island. Gipahugtan an mga lakang sa seguridad sa walo ka lungsod sa isla atol sa pagbisita sa mga health practitioners ug iban pang serbisyo nga gitanyag sa mga ahensya sa gobyerno.
An SDN PNP nagpabiling lig-on, taktikal nga nakaposisyon sa mga personahe sa pagpatuman sa balaod, nagpalig-on sa police visibility, nakigtambayayong sa force multipliers, ug gipakusog an intelligence monitoring.
Kini nga determinado nga paningkamot sa seguridad sa panahon sa kalihokan nagbunga nga waya’y gitaho nga mga insidente sa krimen sa isla sa tibuuk caravan. (Mark James Lisondra)