Dead on Arrival an 47 anyos na babaje nga nakilay.an nga si Rosalie Vintanzos Catamora, 47 anyos, residente sa Purok-Avocado, Barangay Quezon, Surigao City human aksidenting nadasmagan sa isa ka Toyota Hilux Pick Up nga naka rehistro sa Philippine Ports Authority PPA Building Dr. South Harbor- Port area Manila, NCR nga gimaneho ni Jess Rey Gonzaga Yap, 28 anyos, layaki, menyo, college graduate, government employee, isa ka Port Police nga nadestino sa PPAPMO Surigao City, residente sa BLK 17, Lot18-20, Barbers Vill. Barangay Rizal, Surigao City.
Sa inisyal nga imbestigasyon nasayran nga an sakyanan nag jagan sa National Highway sa Purok-Avocado, Barangay Quezon, Surigao City pasingod sa Surigao City proper.
Pag-abot sa lugar kung diin nahitabo an insidente, aksidente kining nabanggaan sa isa ka pedestrian nga si Rosalie Vintanzos Catamora nga mitabok sa karsada.
Tungod sa ka kusog nga pagkabangga nakaangkon ug mga samad sa nagkadaiyang parti sa ija lawas an biktima ug daling gidaya sa Caraga Regional Hospital sa mirespondeng QART sa Surigao City inubanan sa ija pamilya.
Pag abot sa hospital an biktima gideklarar nga dead on arrival sa attending physician. Samtang an sakyanan nakaangkon ug damages sa tuo nga bahin sa headlight ug fender.
An respondent ug an ija gimaneho nga sakyanan gidaya sa Surigao City Police Station alang sa tukmang disposasyon. (Mark James Lisondra)