Andam na an mga tinugyanan sa kapulisan sa dakbayan sa Surigao ug sa Surigao del Norte Police Provincial Office aron pag hatag ug seguridad sa umaabot na State of the Province Address ni Governor Robert Lyndon Barbers na ipahigayon sa Hulyo 29, 2024 sa Provincial Gym sa ala 1:00 an takna sa hapon.
Sa exclusibong interview ngadto na kay PLTCOL Mariano Lukban an Acting Chief of Police sa Surigao City Police Station nagkanayon nga jaoy ilang deploy sa suyod ug sa gawas nan Provincial Gym aron masiguro wayay kakulian na mahitabo ug hapsay isab an pag deliver sa mensahe sa Gobernador ngadto na sa mga katawhan.
Dugang pa ni PLTCOL Lukban na jaon silay himuong road closure sa mga kadayanan sa dakbayan sa Surigao.
Nanawagan isab an hepe sa kapulisan nga mo kooperar sa pa gahimuong road closure aron hapsay an jagan sa trapiko.
(Mark James Lisondra)