Ang programa nga People’s Day ni Mayor Pablo Yves L. Dumlao II tagpahigayon kuman na adlaw, Agusto 4, 2023, didto sa Brgy. San Isidro.
Bisan paman sa kainit sa panahon sanan tag panghuyasan na ang mga katawhan, pero nagpabilin gihapon sila sanan makita gajud na nalipay sila tungod kay tagdaya na gajud saila ang mga libreng serbisyo nan gobyerno.
Hamok ang mga ni pila sa libreng serbisyong medical sa departamento nan City Health Office. Daghan ang nahatagan nan libreng mga tambay sanan bitamina.
Sa gipahigayon nga libreng serbisyo sa departamento nan City Veterinary Office hamok na mga iro ang nabakunahan sanan nahimutuan.
Sa welcome message nan ila barangay kapitan nga si Kap. Manuel Bagsic ija gikalipay ini nga programa kay sa dugay na nija pagka kapitan kuman pa nahitabo nga mismo amoy nikadto saila barangay ang mga libre nga serbisyo nan gobyerno.
Alang sa uban pa na skedyul nan People’s Day atangi, sanan e follow ang Surigao City PIO para mahibayo sanan makaandam kamo aron kamo nasab an makasinati sa mga libreng serbisyo nan gobyerno na dili gajud kamahayan.
(Source: Surigao City PIO Facebook page)