Nakilay-an na an rider sanan an backrider nga nalambigit sa disgrasya samtang nagsakay sa motorsiklo na may plate no. MS 5387 sa may Sitio Tumanday, Brgy. Rizal, syudad nan Surigao jadton Agosto 30, 2024 sa alas 6:25 nan duyom.
Positibong giila sa mga kabanay an mga biktima nga sila ni Sonny Boy Sarno Delgado, 31 anyos, driver sa motorsiklo, residente sa Del Carmen, Surigao del Norte hampan an backrider niini amo si Jonnie Forcadilla Solana, 58 anyos na layaki, kasamtangan nag huya sa Purok 3, Brgy. Canlanipa ug lumad na taga Kitcharao, Agusan del Norte.
Sa gihimong follow up ngadto kay PSSgt. Alex Fuentes an duty investigator namatay an driver jadton Agosto 31, 2024 mga alas 12:10 an takna sa kadlawon sa Caraga Regional Hospital.
Kung mahinumduman an mga biktima nalambigit sa disgrasya human an driver sa motorsiklo nisubay sa kurbadahon na dayan hangtod ni lapas sa pikas lane ug nibangga sa nagsingabot na tricycle.
Tungod sa ka kusog sa impact, an duha ka mga sakyanan nakaangkon ug dakong kadaot ug an driver sanan an back rider sa motorsiklo nahagba sa sementadong dayan hampan an driver sa tricycle ug an pasahero naka angkon nan minor injury lamang.
Sa pagka kuman an patay’ng lawas sa duha ka biktima an jaon kuman naka haya sa Nilo Funeral Services nga nahimutang sa Brgy. Luna. (Mark James Lisondra)