Surigao: Pump boat aksidenting nitaob sa kadagatan tungod sa overloading

0
6
photo courtesy by Mark James Lisondra

Aksidenting nabaliktad an isa ka pump boat nga ginganlag “MGrace 44” nga nahitabo kagahapong adlawa Mayo 13, 2024, sa Port of Surigao mga 12:30 sa hapon tungod sa overloading.

Nagsugod an insidente sa dihang ni larga an pumpboat sakay an kapitan nga si Mr. Nulasko Dakila ug an tripulante niini nga si Raymond Lantano pasingod sa Barangay Kabungaan, Cagdianao, Dinagat Island.

photo courtesy by Mark James Lisondra

An pumpboat naglawig gikan sa Nueva Basin sa siyudad kargado nan tiles, sliding windows, ug plywood nga gibana-bana sa kantidad P27,000 ka pesos.

Sa imbestigasyon sa mga otoridad nasayran nga naka sugat nan dagko na bayod an pumpboat hinungdan nga ni baliktad 200 metros kalajuon gikan sa pantalan ug nangahuyog sa ilayom nan dagat an mga kargamento.

An duha ka tripulante naningkamot sa pag langoy pabalik sa port gamit an nalabaliktad nga pumpboat isip flotation device. Nakit.an sa mga tripulante sa MV Precious Ferry an sitwasyon sa duha, rason nga ila kining gitabangan pinaagi sa paglabay ug pisi dajun gibira tapad sa barko.

Narekober an duha ka tripulante sa pumpboat pinaagi sa tabang nila ni Adonis Remeticado ug Junrill Andit. Nag hatag isab sila nan water pump para matangtang an mga sobra nga tubig dagat sa pumpboat ug gidaya dajun sa Nueva Basin alang sa pagpa repair niini. (Mark James Lisondra)

Leave a Reply