An PPOC Secretariat nagpresenta sa mga bag-o na report bahin sa kalinaw sanan kahusay, naglakip sa performance audit result sa Peace and Order Council (POC) sanan Anti-Drug Abuse Council (ADAC). An mga audit nagpakita sa epektibo na mga inisyatiba sa pagpadajon sa kalinaw sanan pagsukol sa droga. Gipresenta sab an statistical report sa total peace and order indicators, crime solution efficiency rate, sanan an road crash incidents sugod adton Enero hangtod Hunyo 2024.
Gipahibayo an publiko sa mga update bahin sa Drug Free Workplace, na nagpakita sa pagpaningkamot sa pagdumaya sanan pagmintinar sa drug-free na mga lugar na trabahoan. Sa bahin sa anti-insurgency, gipresenta an mga kalampusan sanan an mga operational updates gikan Enero hangtod Hunyo 2024.
Gisusi sab an mga insidente sa sunog sa unang unom ka buyan sa tuig para masiguro an kahilwasan sa publiko. Gipresenta an progreso sa operationalization sa Balay Paglaum sanan mga update sa Dangpanan Center, na naghatag ug impormasyon sa mga serbisyo niini. An mga update sa Retooled Community Support Program (RCSP) sanan an mga kalihokan sa Civil Society Organizations (CSOs) gipresenta sab para mapalig-on an suporta sanan kolaborasyon sa komunidad. (Mark James Lisondra)