Mikabat sa kapin kon kuyang 6, 000 ka mga Barangay Health Worker an mitambong sa na Provincial Barangay Health Worker’s Summi 2024 nga gipahigayon sa Provincial Gym kagahapong adlawa.
An maong kalihokan gipangunahan ni Governor Robert Lyndon Barbers kaiban an mga ka alyado sa Abante Surigao.
Highlight sa maong kalihokan an paghatag nan mga medical kit sa mga Health Worker’s sa tanan Munisipyo sa Surigao del Norte.
Sa mensahe ni Vice Mayor Alfonso Casurra atubangan sa mga Health Worker’s nga matud pa ilang gipaninguha sa administrasyon ni Mayor Pablo Yves L. Dumlao II nga mahatagan ug dako na kahigayonan an mg benepisyo sa mga tagsa-tagsa BHW’s.
Nagpadayag isab nan mensahe si DOH Caraga Regional Director Cesar Cassion nga girepresentahan ni Agnes Cullantes an Medical Officer IV sa Health System Support Team.
Sa mensahe ni Governor Robert Lyndon Barber bahin sa ija programa nga 10 point agenda no. 1 an Health.
Mapasigarbohon sija nag anonsyo nga an Probinsya sa Surigao del Norte amo an numero uno Champion sa Programa sa DOH sa entero Pilipinas an Universal Health Care, ika duha an South Cotabato ug an ika tuyo an probinsya sa Bulacan laong sa Gobernador nga tongud sa kooperasyon sa mga BHW.
Nag saad isab si Governor Robert Lyndon Barber nga dugangan an ilang Honorarium sa kantidad 500 pesos, suma total 1,500 pesos na an ilang dawaton matag buyan sugod sunod tuig.