Nagmalampuson an Media Conference nga gipangunahan sa City Government.
Isa sa nahimong bisita an Acting City Agriculturist sa City Agriculture nga si Amelita Dela Cerna kini kabahin sa mga updates sa ija buhatan.
Kaiban sa ija panawagan an pag hunong sa pag buso, isa ka matang sa pagpangisda tungod kay Illegal kini ug makadaot sa lawas sa tawo.
Makigtambayayong sa gobyerno para sa mga alternative projects, livelihood assistance na makatabang sa pang adlaw-adlaw nga panginahanglan.
Ika duha sa nahimong bisita amo si Dr. Benjielita Notada sa City Health Office. Ija isab gipadangat an mga on-going na mga programa kabahin sa panlawas maingon man an malnutrisyon sa syudad nan Surigao.
Ija tagdasig an mga ginikanan nga pabakunahan an kabataan hilabi na sa measles tungod kay jaoy mga naconfine na mga sakit.
Ija isab tagpahibayo nga misaka an kaso sa HIV na jaon na sa kapin kon kuyang 300 ka mga indibidwal an nagpa test nga diin jaoy 14 an nagpositibo sa HIV.
Dugang pa nija nga misaka an kaso sa HIV gikan sa 42 ug sa pagka kuman 56 na. Ika duha sa kaso sa HIV an dakbayan sa Surigao.
Nagpahimangno isab si Dr. Notada nga mag amping kuman na panahon nga ting uyan nga posible mosaka an kaso sa dengue.