Mikabat sa 2, 751 ka mga residente sa Brgy. Washington an naka avail nan libre nga serbisyo sa gipahigayon nga People’s Day Year 2 sa Washington Gym kagahapong adlawa.
Gilinyahan an Dental Bus sa gawas nan Brgy. Gym nga diin kasagaran mga bata aron malibre sa dental services sama sa pagpa ibot nan ngipon.
Nahurot isab an 200 ka eyeglasses na daya nan Surigao Optometric Society tungod kay tag pilahan ini nan mga nanay sanan tatay nga nag edad ug kwarenta (40) pataas.
Sa mensahe ni Kapitan Christopher “Boyet” Bonite, an kapitan sa Washington, iban sa ija mga kaibanan nga mga opisyales, mapasalamaton sa programa ni Mayor Pablo Yves L. Dumlao II na wayay tagpili, tanan ija kabaranggayon an naka-benipisyo. Vc
Sa mensahe ni Mayor Pablo Yves L. Dumlao II nga dapat an isa ka opisyales sa gobyerno amo an mo una mo hatag ug serbisyo para sa katawhan. Vc
Suportado sa mga City Officials an People’s Day Year 2 sa Brgy. Washington nga gipangunahan ni City Vice Mayor Alfonso Casurra, City Councilor Baltazar Abian, City Councilor Karl Duane Casurra, City Councilor Christian “Toti” Catre, ABC President Florenillo Ravelo ug mga Brgy. Official sa Brgy. Wsshington. (Mark James Lisondra)