People’s day year 2 sa brgy. Ipil niabot sa 1, 482 ka mga indinidwal
Mikabat sa 1, 482 ka mga indibidwal sa Brgy. Ipil an naka avail nan libre nga serbisyo sa gipahigayon nga People’s Day Year 2 sa Ipil Central Elementary School.
Gilinyahan an City Health Office sa mga kabatan.onan human hamok an gusto magpa tuli.
Gilinyahan isab sa mga Senior Citizen an Surigao Optemetric Society nga gipangunahan ni Doc. Ofelia Go aron maka libre nan reading glasses.
Naka avail isab an mga kabatan.onan nan libre na gupit sa buhok pinaagi sa mga personahe sa Surigao City Police Station ug Philippine Army.
Sa mensahe ni Kapitan Ferdinand Besario na sija mapasalamaton sa programa sa administrasyon ni Mayor Pablo Yves L. Dumlao II human nakatagamtam nan libre na mga serbisyo an mga residente sa Brgy. Ipil.
Tag sulti ni Vice Mayor Alfonso Casurra nga dapat pahimuslan an gitanyag na mga serbisyo kay dako ini na tabang sa mga katawhan.
Nagpadayag nan pasalamat si Mayor Paul Dumlao human an dakong suporta sa mga taga Brgy. Ipil sa ija administrasyon.
Suportado sa mga City Officials an People’s Day Year 2 sa Brgy. Ipil nga gipangunahan ni City Vice Mayor Alfonso Casurra, City Councilor Baltazar Abian, City Councilor Karl Duane Casurra, City Councilor Christian “Toti” Catre, ABC President Florenillo Ravelo ug mga Brgy. Official sa Brgy. Ipil.