Mikabat sa 1, 554 ka mga indibidwal sa Brgy. Rizal an naka avail nan libre nga serbisyo sa gipahigayon nga People’s Day Year 2 sa Sitio Bioborjan, Brgy. Rizal, SC.
Gilinyahan an Dental.Bus sa gawas nan gym aron malibre sa dental services sama sa pag ibot nan ngipon. Gilinyahan isab sa mga Senior Citizen an Surigao Optemetric Society aron maka libre nan reading glasses. Hurot isab an mga seedlings nga gitanyag sa City Agriculture Office.
Sa mensahe ni Kapitan Romeo Sanchez na sija mapasalamaton sa programa sa administrasyon ni Mayor Pablo Yves L. Dumlao II human kini gidaya sa Brgy. Rizal.
Mihatag isab nan mensahe si Mayor Pablo Yves L. Dumlao II nga diin ija tag sulti an mga proyekto nga nabubo sa Brgy. Rizal maingon man an on going projects sa kilid nan Kinabutan River nga himuan nan dayan sa kantidad P10 Million pesos.
Tag sulti isab ni Vice Mayor Alfonso Casurra nga an programa na People’s Day Year 2 ubos sa administrasyon ni Mayor Pablo Yves L. Dumlao II an nominado sa Galing Pook Award sa Pilipinas. An Galing Pook Awards gilusad jadtin Oktubre 21, 1993 isip pioneering program nga nagpaila sa mga innovative practices sa local government units.
Suportado sa mga City Officials an People’s Day Year 2 sa Brgy. Rizal nga gipangunahan ni City Vice Mayor Alfonso Casurra, City Councilor Baltazar Abian, City Councilor Karl Duane Casurra, City Councilor Christian “Toti” Catre, ABC President Florenillo Ravelo ug mga Brgy. Official sa Brgy. Rizal. (Mark James Lisondra)