Ang mga opisyal sa LGU, empleyado, ug mga personahe sa nasyonal nga mga ahensya nagtapok kaganinang buntag sa Municipal Gym aron sa pagpahigayon sa ikatulong weekly flag raising ceremony alang sa bulan sa Pebrero.
Sa Monday-morning sharing activity, gi-anunsyo sa atong MSWDO 𝐀𝐧𝐚𝐥𝐲𝐧 𝐎. 𝐁𝐚𝐜𝐚𝐬𝐧𝐨𝐭 nga adunay payout ugmang adlawa alang sa social pension sa atong mga senior. “Matag Senior makadawat ug 3,000 pesos ugmang adlawa,” pagpahibalo ni Ma’am Analyn. “Karung 2023, twice a year na lang mag-payout ang atong mga senior. Sa pagkakarun, wala pa nautro ang 500 per month nga social pension,” pagpasabot sa atong MSWDO.
Sa laing bahin, nahisgutan sa atong “Caretaker” sa Municipal Engineering Office, Engr. 𝐕𝐞𝐫𝐠𝐞𝐥𝐢𝐨 𝐌. 𝐋𝐚𝐜𝐚𝐧𝐨 ang gipakanaog nga 10 million pesos sa buhatan ni Cong. 𝐀𝐜𝐞 𝐒. 𝐁𝐚𝐫𝐛𝐞𝐫𝐬 isip dugang pondo sa pagtukod sa New Municipal Building. Gisegundahan usab kini sa atong Vice-Mayor 𝐖𝐢𝐥𝐥𝐢𝐚𝐦 𝐄. 𝐀𝐯𝐢𝐥𝐚 diin nahisgutan usab niya pagpakanaog sa pondo alang sa Municipal Gym Rehabilitation.
Natapos ang weekly flag raising ceremony sa pagpanghatag ug lainlaing update gikan sa mga opisina. Ang seremonya gi-isponsor sa Municipal Social Welfare and Development Office.
(Source: Sison on the Rise Facebook page)