Nagdala og hugyaw ug kasadya ang mga bata nga midagsa sa Kapitolyo gabie, petsa 4 sa Disyembre, 2022 sa gipahigayon nga Pamaskong Handog mula kay Gov. Nilo P. Demerey, Jr. nga gipangunahan sa Provincial Government of Dinagat Islands.
Opisyal kining gisugdan sa pagpanguna sa pamukas nga mensahe sa District 1 Board Member, Hon. Jocelyn B. Relator, RN. Isip representante ni Gov. Demerey, naghatag usab og mensahe ang Executive Assistant IV sa PGO, First Lady Marichu M. Demerey, diin iyahang gihisgutan ang tumong sa maong programa, ug ang importansya sa pagselebrar sa pasko, hilabi na ang pagpaambit sa mga regalo ngadto sa mga bata.
Anaa ang mga staff sa McDonald’s Surigao nga nagpahigayon og mga parlor games, pagpanghatag og mga papremyo, dulaan, snacks. Nagdala usab og kalingawan sa mga bata ang pag-abot sa mga mascot nga naglingaw-lingaw uban kanila.
Anaa sa maong aktibidad ang presensya nila BM Analyn Dialde, BM Reggivi Amor E. Alcaria, Provincial Administrator Dennis Andrew Delgado, uban usab sa mga pangulo sa nagkalain-laing buhatan sa kapitolyo.
(Source: Governor Nilo “Remedy” Demerey Jr. Facebook page)