Nakabantay ngonian an PNP Anti Cyber Crime Unit sa posibilidad na barakalan nin smuggled na pulang sibuyas sa Bicol Region.
Ini an sinabi ni PLt. Angelo Babagay kan nasabi nang opisina. Segun saiya dae ninda hinahali an posibilidad na igwang makalusot sa online kan mga pinagtutubudan na pinalusot na sibuyas.
Kun magigirumduman nasa Php 30M kantidad nin smuggled na sibuyas an nasabat kan mga operatiba kan Bureau of Customs at Department of Agriculture (DA) sa Maynila kan sarong aldaw.
Katuwang kan cybercrime unit iyo an Department of Trade and Industry.(DTI) asin an DA Bicol sa pagbabantay ngonian lalo ta harani na an holiday season. Kun saen nauuso an mga bentahan online na nag-oopreser nin hababang kantidad kan presyong agricultural products man ini, ,gadgets, gamit an pang-regalo. (JV Navarro Verdeflor Jr., photo credits to the owner)