Padayon ug mas gipakusgan pa ni Governor Nilo P. Demerey, Jr. ang iyahang pagpanigkamot nga matabangan ang mga Dinagatnong mag-uuma. Atoang mahinumduman niadtong Disyembre 16, 2021 ang paghagupit sa Super Typhoon Odette sa Probinsya sa Dinagat Islands diin ang sektor sa agrikultura maoy usa sa pinakaapektado niiini. Si Gov. Demerey uban ni Provincial Agriculturist Rico B. Galinato, nagtumong nga matabangan ang mga mag-uuma nga makabawi sa ilahang panginabuhian pinaagi niining “Lubi para sa Dinagatnon Program”.
Miarangkada na ang pagpadala sa mga coco seeds niadtong Enero 29, 2023, adlawng Sabado, diin nagmalampuson ang shipment sa unang batch sa seed nuts alang sa mga mag-uuma sa Probinsya sa Dinagat Islands, diin ang loading gihimo sa pantalan sa Zamboanga City sugod niadtong Enero 27, 2023, Huwebes.
Mokabat sa 200,000 ka-liso ang ihatod sa Probinsya, apan ang unang kargamento naglakip lamang sa 40,000 ka liso sa lubi o seednuts kay mao lamang kini ang makarga sa navy ship. Ang maong liso, gilangkuban sa open-pollinated varieties sa Catigan Dwarf, gikan sa PCA Research Center sa Zamboanga City. Matod pa ni Philippine Coconut Authority-Caraga(PCA-13) Manager Joel Oclarit, magpahigayon pa usab ang Philippine Coconut Authority og laing hugna sa delivery human sa unang batch aron makompleto ang kinatibuk-ang gidaghanon sa mga liso.
Miasista usab sa transportasyon ug paghakot sa mga seednuts ang Armed forces of the Philippines-Eastern Mindanao Command nga gipangunahan ni CDR LUECKENWEALTH Y. UBOD, PN, Acting Commanding Officer, LC296; Dinagat Islands Police Mobile Force Platoon nga gipangunahan ni PCpl KENT KAISZER B KONG, Asst. ADMIN PNCO; ug Philippine Army Reservist nga gipanguluhan ni Msg HERALD C EDER (Inf) PA.
(Source: Governor Nilo “Remedy” Demerey Jr. Facebook page)