33.8 C
Manila
Friday, March 29, 2024

Surigao: Omega de Salonera Contingent sa Sinulog 2023 gipabayad sa Globalport nan ₱500,000 sa ilang mga props

- Advertisement -

Dismayado kainang buntag si Senior Agila, Contingent Head sa Omega de Salonera sa Socorro, Bucas Grande Island dihang pagkanaug sa ilang mga kargang props sa Port of Surigao gikan sa Socorro, gipangsukod sa taga Globalport Terminal ug gisingil sila sa bayronon na ₱500,000 kon half million pesos.

Nangayo sila ug panabang kan Governor Robert Lyndon Barbers sa maong sitwasyon apan waya kini paminawi sa Globalport kay sumala pa, private operator sila sa Pantalan sa Surigao ug ang tanang mga kargamento na ikanaug sa barko ug isakay sa barko sa Port of Surigao dunay taripa. Waya pa gajud magpahangyo an Globalport na datahan nila nan ₱100,000 hangtud nga napugos sila pagpangita’g kabuslan na kuwarta. Waya mosugot an Globalport nga makabiya sila sa Surigao City kondili mag-issue man post dated check na bayad.

Sakay sa Kho Shipping Lines, miabot sila sa Cebu pagka alas 12 sa tungang gabii sa Enero 11. Gipahangyo sila sa barko na ₱30,000 lamang ang ilang bayranan sa mga props ug gi-welcome usab sila sa taga Cebu ug waya nay bayranan sa pagdiskarga sa ilang mga kargamento.

Hangtud kuman sa pagpagawas ning maong balita waya pay tag issue na statement an Globalport Terminal Inc.

An Omega de Salonera contingent jaoy Cultural Show kuman duyom sa Fuente Osmeña samtang sa Enero 15 na ang street dancing ug grand showdown sa Sinulog 2023. (RPN DXKS Surigao News Team)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -