Priso kuman sa Surigao City Police Station an isa ka layaki nga nagpakilaya na marine human gireklamo nila ni Bonie Paciluna Ligaya, 28 na layaki, ulitawo, high school level, laborer, residente sa Purok-1A, Barangay San Juan ug Jayson Lipao Escabal, 25 na layaki , ulitawo, college level, cook, residente sa Purok Azucena, Magallanes Baybay, Barangay Washington.
Basi sa imbestigasyon sa kapulisan ilang gireklamo an suspek nga si John Kennedy Solante Espere, 22 anyos na layaki, ulitawo, high school graduate, wayay trabaho, ug residente sa Purok-2, Barangay Danao human kini sila gisumbag nga naigo sa ilong ug lain-lain nga parti sa ilang lawas nga nahitabo kagahapong adlawa Agosto 25, 2024 sa alas 4:00 nan kadlawon sa gawas nan Ohanna Black Sand Resort, Barangay Sabang, syudad nan Surigao.
Gipakalma pa sa duha ka miresponding kapulisan apan nagpabiling arogante an suspek rason nga ila na kining gi.aresto. Pasakaan ug kasong Physical Injury an suspek sa City Prosecutor’s Office. Motibo sa insidente an waya laang pagsinabtanay ug sa ka hubog sa suspek. (Mark James Lisondra)