An City Health Office sa pagpanguna ni Dr. Benjielita P. Notada gipangunahan an Flag Raising Ceremony sa City Gym sa alas 7:30 an takna sa buntag.
Atol sa ilang accomplishment report sa ilang buhatan gikan nan Enero hangtod Hulyo 2024 jaon sila tagpahigayon na Maternal Labor and Child Health Nutrition, Birthing Homes sa District Health Center na diin 93 an ilang na serbisyohan sa mga nanganak na inahan sa Brgy. Taft ug 98 sa Brgy. Washington, Family Planning Services, Immunization, Medical Consultation, Animal Bite Program, Dengue Program, TB and HIV Program ug iban pang mga programa ubos sa City Health Office.
Sa mensahe ni Mayor Pablo Yves L. Dumlao II nagkanayon na jaoy P8 Million pesos na pundo an gigahin para sa City Health Office alang sa renovation ug construction sa bag.ong building na ibutang sa karaan na Police Station human prayoridad nija an marajaw na panlawas sa ija administrasyon.
Suportado isab ni Vice Mayor Alfonso Casurra kaiban an Sangguniang Panlungsod an proposed project bahin sa bag-ong building ug renovation sa City Health Office.
Present isab sa Flag Raising Ceremony an mga City Councilors sama nila Councilor Joshua Geli, Councilor Noel Christian Catre Jr., Councilor Baltazar Abian, Councilor Karl Duane Casurra, Councilor Joseph Joey Yuipco, Liga ng mga Barangay President Florenillo Ravelo ug SK Federated President Jeanilyn Edulzura.
(Mark James Lisondra)