Sa pag padayon nan programa sa pag selebrar nan Elderly Filipino Week, kahapon adlawa, Oktubre 4, 2023, mipahigayon ang opisina nan City Social Welfare and Development Office (CSWDO) sanan Office of the Senior Cetizen Affairs (OSCA) nan mga libreng serbisyo para sa mga senior citizens.
Ang maong selebrasyon gisugdan sa mubo nga programa sanan Zumba Exercise sa panguna nan mga personahe sa OSCA.
Sentro sab sa maong programa an mensahe sa bag-ong OSCA Head Designate na si Alexander Almeda, nga nagsaysay sa ija mga kaagi sa kinabuhi, sa pagpasabot nga kinahanglan gajud tagaan nan dakong pagtagad sanan importansya an mga lolo ug lola.
Ang pipila ka mga serbisyo nga libre sa tanan mga Senior Cetizens gikan sa opisina nan Philippine Statistics Authority, City Health Office, Massage and Foot Reflexology nga programa sa Sustainable Livelihood Program Association (SLPA), Surigao Professional and Entrepreneur Basketball League (SPEBL) nga nihatag nan libreng hygiene kits ug haircut, Phil Health, Philippine National Police (PNP), Arm Forces of the Philippines (AFP), TESDA, Caraga Regional Hospital sanan an Public Attorney’s Office nga nagdumaya sa libreng legal aid consultation kaiban an City Legal Office.
Sa mga lola ug lolo nga nagkinahanglan sa mga serbisyo, pwede kamo mukari kuman diri sa City Gymnasium para maka avail nan libre na mga serbisyo hantod alas 5 sa hapon ug sa mga wala pa magpa rehistro, mamahimong magpalista sa Office of the Senior Citizen Affairs.
Payanggaon ta an ato mga Lolo, Lola sama sa pagmahal sanan pagpayangga nila sa ato!
(Source: Surigao City PIO Facebook page)