Nakatagamtam na isab nan libreng serbisyo an mga residente sa Brgy. Orok sa gipahigayon na People’s Day Year 2 sa administrasyon ni Mayor Paul Dumlao inubanan sa suporta nila Vice Mayor Alfonso Casurra ug mga City Councilor’s.
Mikabat sa 1, 045 ka mga indibidwal an nahatagan nan libre na serbisyo sama sa pagpanghatag nan mga vitamins sa mga bata, nan hatag isab an Family Planning of the Philippines nan mga contraceptive, mga seedlings gikan sa City Agriculture office ug iban pa.
Sa mensahe ni Kapitan Edna Torregoza nag sija nagpasalamat sa administrasyon ni Mayor Paul Dumlao human gidaya an mga libre na serbisyo sa ilang barangay.
Dugang pa nija na dili lamang mga serbisyo an gitanyag an ilang natagamtaman, nakadawat isab sila nan P1 million pesos para sa solar street light gikan sa City Government.
Nagpasalamat isab si Kapitan ngadto na kay Congressman Robert Ace Barbers ug Governor Robert Lyndon Barbers human gihatagan isab sila nan P1 million pesos para sa improvement nan water system sa Brgy. Orok.
Tagpahibayo isab ni Vice Mayor Alfonso Casurra ngadto na sa mga Senior Citizens nga jaon nay ilang ordinansa sa pagtukod nan Barangay Senior Citizens Office ug Barangay Kabataan Office para deretso na sa barangay kung unoy mga panginahanglanon ug dili na mo kadto pa sa syudad. (Mark James Lisondra)