Kinse (15) ka barangay an nakadawat na nan barangay patrol car gikan sa Lokal na Panggamhanan kuman na adlaw, Agosto 16, 2024.
Sa pagpanguna nan City Mayor’s Office- Barangay Affairs Office, an turn over nahitabo sa City Hall Compound diin an mga barangay captain mismo an nagdawat sa mga papel sa patrol car.
An mga barangay na nakadawat mao an Cagniog, Day-asan, Bonifacio, Mat-i, Ipil, Anomar, Capalayan, Mabini, Serna, Silop, Togbongon, Washington, Poctoy, Rizal, sanan Quezon.
Mahinumduman na ang iban pa na barangay nan siyudad sa Surigao nakadawat na sab nan barangay patrol car dungan sa gipahigayon na People’s Day Year 2 sa ila mga barangay.
Ini na mga barangay patrol vehicle, magamit nila sa pag responde sanan pag alagad sa mga kabaranggayon bisan uno na panahon.
Mapasalamaton karadjaw an mga Kapitan kan Mayor Paul Dumlao kay dako ang tabang sa ini na mga barangay patrol car para sa ila mga barangay. (Mark James Lisondra)
(Source: Surigao City PIO)