Ni abot sa 1, 878 ka mga indibidwal an nakadawat sa mga libre na serbisyo na tag daya sa programa sa administrasyon ni Mayor Pablo Yves L. Dumlao II.
Kapin kon kuyang 200 an nakapa check up sanan libre na tambay gikan sa City Health Offics hampan 83 kabuok an nagpa ibot nan ngipon.
Gipilahan isab an Surigao Optemetric Society human libre nan eyeglass nga nag edad ug 40 anyos pataas.
Nan hatag isab nan nagkalaing-lain na mga seedlings an City Agriculture Office na diin dali ra nahurot.
Mapasalamaton isab si Kapitan Neil Vincent Aldonza sa administrasyon ni Mayor Paul Dumlao human tagdaya an mga libre na mga serbisyo sa ija barangay. Tagpasalamatan isab nija an mga National Line Agencies sanan nagkalaing-lain grupo sa siyudad. Vc
Tag anunsiyo isab ni Vice Mayor Alfonso Casurra na sa sunod tuig, ibal.is na an barangay site apil niini an mga kalihokan sa gidonar na lupa sa mga I.Cortes Development Corporation. Vc
Nag hangyo isab si Vice Mayor Casurra ngadto na sa mga katawhan sa Brgy. Luna na an tanan programa sa ilang administrasyon ilang suportahan. Vc
Human sa mubo na programa nag turn over nan Barangay Patrol ug nag hatag isab nan certificates para sa nahuman na mga proyekto.
Mitambong an mga City Councilor’s agig pag suporta sama nila ni Councilor Noel Christian Catre Jr., Councilor Baltazar Abian, Councilor Joenil Aldonza, Councilor Karl Duane Casurra, Liga na mga Barangay President Florenillio Ravelo ug Kapitan Christopher Boyet Bonite.
(Mark James Lisondra)