Surigao: Mga barangay tanod, tag-training para sa mas hapsay sanan luwas na komunidad

0
2
photo courtesy of Surigao City PIO

An mga barangay tanod gikan sa lain-lain na barangay sa ato siyudad, taghatagan nan oportunidad sa Lokal na Panggamhanan para mas mahanas ang ila pagtrabaho sa ila barangay.

Gipahigayon ngayong araw, Hunyo 6, 2024, an “Barangay Tanod Skills Enhancement Training Revitalizing the Role of Barangay Tanod’s Peace and Order” didto sa City Cultural Center.

Kaiban sa ini na programa an Philippine National Police sa pagpanguna ni Chief of Police PLTCOL Diomedes B. Cuadra Jr.

An tumong sa maong training na mas mapalapad pa an kahanas nan ato mga barangay tanod sa pag responde sa ila tagsa tagsa na mga lugar sanan mapabilin na hapsay an ila komunidad apil na ang kinabuhi nan ato mga kabaranggayon.

Mitambong sa training si City Mayor Pablo Yves L. Dumlao II. Sa ija mensahe, ija tagpahinumdom kun uno ka importante ang trabaho sa isa ka barangay tanod. Tagpaabot sab nija an ija dako na supporta, pinaagi niini naghatag sija nan Barangay Patrol Car na tag sugdan na pag turn-over sa kada barangay sa People’s Day Year 2 Program.

An mga nag training gahapon gikan sa dose (12) ka barangay sa mainland na sakop nan siyudad. (Mark James Lisondra)

(Source: Surigao City PIO)

Leave a Reply