Davao City – Arestado ang usa ka lalaki human gikasa sa mga sakop sa Malalag Municipal Drug Enforcement Unit kauban ang Provincial Drugs Enforcement Unit ug Philippine Drug Enforcement Agency ang drug buybust operation sa Purok 4, Brgy. Bagumbayan, Malalag, Davao del Sur.
Giila ang dinakpan nga si alyas “Jay”, 27 anyos, adunay ka live in, usa ka laborer hg residente sa Upper Bagumbayan, Malalag, Davao del Sur.
Nakuha sa posisyon sa suspek ang iligal nga droga nga adunay gibug-aton nga 0.550 grams ug adunay standard drug price nga P3,640 pesos ingon man ang usa ka heat-sealed transparent plastic sachet nga adunay gidudahang Shabu, usa ka walay sulod na cigarette pack, ug ang gigamit nga buy-bust money.
Sa karon, himas rehas ang suspek ug magatubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)