Kahapon kadlawon, Nobyembre 13, 2024, nasunugan an 22 ka pamilya sa IOM Settlement, Purok 7, Sitio Escalon, sa Barangay Cagniog.
Personal na tagbisita ni Mayor Paul Dumlao an lugar para kumustahon an kahimtang sa mga naapektuhan na ato mga kaigsoonang Batang Surigaonon.
Gipanghatag sab dajun an mga e-balde gikan sa Cswdo SurigaoCity sanan tabang gikan sa DSWD para jauy ila temporaryo na mga gamit sanan pagkaon para masuportahan ila mga panginahanglanon samtang padajon sab an pagpanhatag nan dugang na mga relief goods.
An Lokal na Panggamhanan sanan Barangay Cagniog, magtinabangay sa paghatag nan tabang sa mga residente na naapektuhan sa sunog.
(Source: Surigao City PIO)