Detenado kuman sa Surigao City Police Station an isa ka mananagat human nalambigit sa illegal nga droga ug nadakpan sa gilusad nga drug buy bust operation sa mga tinugyanan sa kapulisan kagahapong adlawa.
Nadakpan an suspek sa Purok 3, Sitio Cayutan, Brgy. Cagniog, SC nga diin nahitabo an transaksiyon ug nakilay.an an suspek nga si Mark Reigen Tinoy Labastida, alyas Mak-Mak/ dadang, 30 anyos nga layaki, residente sa Purok 3, Brgy. Balibayon, SC.
Nasakmit sa posisyon sa suspek an isa (1) ka plastic sachet nga gipalit sa posuer buyer ug laing napuyo (10) ka plastic sachet sa gituohang shabu nga jaoy kinatibuk-ang gibana-bana nga gibug-aton sa kapin o kuyang 2.5 grams sa kantidad P17,000.00) ug mga non drug evidence.
Pasakaan sa kasong kalapasan sa Sec 5 ug Sec 11 sa RA no. 9165 kon Comprehensive of Dangerous Drugs Act of 2002 an suspek. (Mark James Lisondra)