Dakpan sa buy bust operation an isa ka high value target nga public school teacher nga nailhang si Jerameel España Zapanta, 29 anyos na taga Purok 8, Brgy. Poblacion, munisipyo sa Loreto, Agusan del Sur.
Sa gibutyag ni PDEA Regional Information Officer Dindo Abellanoza ngadto sa RPN DXKS, an lead unit sa operation mao ang PDEA RO XIII Agusan del Sur Provincial Office kaiban an Agusan Del Sur Police Provincial Office- Provincial Intelligence Unit ug Loreto Municipal Police Station.
An suspetsado nadakpan kahapon alas 4:28 sa hapon Hulyo 31, 2024 didto sa Sitio Naliyagan, Brgy. Poblacion, Loreto, Agusan del Sur.
An poseur buyer nakapalit nan isa ka heat-sealed transparent plastic sachet na may kapin kon kulang 1 gram nan shabu o banabanang ₽10,000.00 actual street price.
Nakaembargo isab an PDEA nan isa ka five-hundred-peso genuine (mark money) with serial number DT948384, isa ka five-hundred-peso counterfeit money sanan siyam ka one-thousand pesos counterfeit money(buy bust marked money), isa ka vivo android phone color black sanan DepEd Identification Card.
Kasong violation sa Section 5 (selling), Art. II of RA 9165 ang ipasaka ngadto sa korte batok sa nadakpang suspetsado.
(Mark James Lisondra)