Nadakpan an isa ka LPG Technician sa gilusad nga drug buy bust operation sa mga personahe sa Drug Enforcement Unit sa Surigao City Police Station sa may Purok 1-B, Brgy. Bonifacio, SC sa alas 7:45 nan duyom.
Nakilay.an an suspek nga si Regie Cavite, alyas Jingoy, layaki, ulitawo, 31 anyos, residente sa nahisgutang lugar.
An suspek napalitan sa gituohang shabu pinaagi na sa posuer buyer nga gibana-bana motimbang sa 0.16 gram sa kantidad P1, 088.00 ka pesos, laing 12 kabuok plastic sachet sa gituohang shabu gikan sa posisyon sa suspek nga gibana-bana motimbang sa kapin kon kuyang 1.84 grams sa kantidad P12, 512.00 ka pesos, isa kabuok P1, 000 peso bill gigamit isip marked money, kwarta sa kantidad P500.00 pesos ug mga non drug evidence.
An nadakpang suspek mag atubang sa kasong kalapasan Sec. 5 ug Sec. 11 sa Article II sa RA no. 9165 ug detenado kuman sa Surigao City Police Station. (Mark James Lisondra)