Pinaagi sa TUPAD na programa sa Department of Labor and Employment kon DOLE an 1, 000 ka mga indibidwal sa mga nagkalaing-lain na barangay sa lungsod nan Taganaan an gipailayom sa TUPAD orientation ngadto na sa napuyo (10) ka adlaw na Community Work.
Ini na programa gikan sa National Government nga nahimong posible tungod sa suporta ni President Ferdinand Marcos Jr., ug ni House Speaker Ferdinand Martin Romualdez nga gipaningkamutan ni Congressman Bingo Matugas na mapangajo an pundo para dayhon sa katawhan sa distrito 2 sa probinsya sa Surigao del Norte.
Sa mensahe ni Board Member Constantino “Bully” Navarro IV dako an ija kalipay human an mga programa sa National Government niabot gikan sa Distrito 1 ug tagdaya sa Distrito 2 sa probinsya sa Surigao del Norte para mahatagan an mga katawhang Surigaonon nan cash assistance pinaagi sa tabang ni Congressman Bingo Matugas.
Matud pa ni Board Member Constantino “Bully” Navarro IV na jaon pay second batch na mahitabo sa iban na mga munisipyo na waya malakip sa unang batch sa TUPAD orientation sa DOLE. (Mark James Lisondra)