Nadakpan sa gilusad nga entrapment operation sa mga tinugyanan sa kapulisan an 18 anyos nga layaki human kini napalitan nan armas nga dili rehistrado.
Nahitabo an pagdakop jadton milabay nga adlaw sa may Purok 4, Brgy. San Juan, SC sa alas 11:30 nan duyom.
Nakilay.an an suspek nga si Roben Maquiso Sanchez, alyas Jr, ulitawo, lumad nga taga Purok 4, Brgy. Hayanggabon, lungsod nan Claver, Surigao del Norte ug kasamtangan nag huya sa Purok 3, Brgy. Canlanipa, SC.
Nakompiskar sa posisyon sa suspek an isa ka (1) COLT MK IV series 80 .45 caliber pistol bearing serial number 310297; isa ka (1) magazine sa .45 caliber pistol nga may tuyo ka(3) bala; duha ka (2) P1, 000 peso bill gigamit isip marked money; unom ka (6) P1, 000 peso bill gigamit isip boodle money.
Mag atubang sa kasong kalapasan sa RA no. 10591 kon Illegal Position of Firearms and Ammumition Act an nadakpang suspek ug jaon kuman sa kustodiya sa Surigao City Police Station. (Mark James Lisondra)