Aron mas mapadali ug mapaduol ang pagproseso sa mga Tax kon mga balayrunon, niadtong adlaw’ng, Hulyo 1, 2024, ang Provincial Government sa Dinagat Islands ilawom sa pagdumala ni Provincial Governor Nilo P. Demerey, Jr., GSC, MPM, pinaagi sa Provincial Treasurer’s Office sa pagpanguna ni Provincial Treasurer Maria Jocelyn S. Albores, inubanan sa Provincial Assessor’s Office nga gipangunahan ni Provincial Assessor Engr. Jopher S. Tarre, REA, malampuson nga mipahigayon sa Launching of Real Property Tax Information System kon RPTIS, didto sa PEOC Function Hall, Brgy. Sta. Cruz, San Jose, sakop ning probinsya.
Lakip sa maong aktibidad mao ang gipahigayon usab nga Joint Conference sa mga Municipal Treasurer ug Assessors diri sa Probinsya diin ang maong kalihokan naglambigit sa pagpaambit sa kahibalo ngadto sa mga partisipante aron mapalambo ang kalidad ug kaepektibo sa paghatod sa mga serbisyo sa gobyerno ngadto sa katawhan sa termino sa pagtantiya ug mga koleksyon sa real property.
Ang maong kalihokan gipangunahan sa mga personahe sa Provincial Treasurer’s Office, Provincial Assessor’s Office, Municipal Treasurer ug Municipal Assessor’s gikan sa pito ka lungsod ning Probinsya. (Mark James Lisondra)
(Source: Dinagat Island PIO)