Malampusong gipahigayon ang Junior KATROPA (Kalalakihan Tapat sa Responsibilidad at Obligasyon sa Pamilya) ug AHD (Adolescent Health Development) Symposium Huwebes adlawa, Pebrero 9, 2023, sa Provincial EOC Function Hall, San Jose, Dinagat Islands.
Ang maong aktibidad nagtumong nga makab-ot ang hapsay nga komunidad, ug makapaambit ang mga kalalakihan sa iyahang asawa batok sa sayo ug walay plano nga pagmabdos, ug pagsiguro nga luwas ang mga kababayin-an sa bisan unsang matang sa pag-abuso.
Gipangunahan ang maong aktibidad ni Provincial Population Officer, Mr. Lucio P. Mercado, Jr. Gisugdan ang maong orientation sa diskusyon ni KATROPA Focal Person, Policarpo C. Carting Jr. ang kabahin sa RPRH Law, uban ni GAD Focal Person, Ms. Clarita M. Larong nga naghisgot sa Teenage Pregnancy Prevention. Dungag pa niini, anaa usab si Social Welfare Officer I, Melvic H. Navarro, RSW para hisgutan ang kabahin sa RA 9262 Anti-Violence Against Women and their Children, ug ang Provincial Labor and Employment Management Officer, Lucia V. Galabo mihatag og employment coaching ngadto sa mga partisipante.
Nagpaabot usab sa iyahang hugot nga pagsuporta si Provincial Vice Governor Benglen B. Ecleo. Sa laing bahin, anaa usab ang Executive Assistant II sa PGO ug Local Youth Development Officer- Designate, Mr. Jhon Philip P. Tan, nga nagpaabot sa iyahang mensahe kabahin sa importansya sa maong aktibidad, mga responsibilidad sa mga kalalakin-an. Gipaabot usab niya ang hugot nga suporta sa mga programang pangkabatan-onan.
Ang maong aktibidad gilangkuban sa Bachelor of Science in Criminology (BS-Crim) students sa Don Jose Ecleo Memorial College (DJEMC).
(Source: Governor Nilo “Remedy” Demerey Jr. Facebook page)