Nadakpan an isa ka surfing instructor ug isa ka 20 anyos na layaki sa gilusad na drug buy bust operation sa mga tinugyanan sa kapulisan sa General Luna hampan an isa ka suspek nakasibat.
Nahitabo an buy bust operation didto sa Sitio Sta. Ines, Brgy. Catangnan, lungsod sa General Luna, Surigao del Norte mga alas 3:00 an takna sa hapon.
Nakilay.an an mga suspek nga sila ni Eric Dador Migullas, 25 anyos na layaki, surfing instructor, residente sa nahisgutang lugar.
Joshua Elandag Forcadilla, 20 anyos na layaki, ulitawo, residente sa Brgy. 5, Poblacion, General Luna, SDN
Alvin Ortojan Migullas, 23 anyos na layaki, residente sa Brgy. 5, Poblacion, General Luna, SDN (at large)
Nasakmit sa posisyon sa mga suspek an 14 kabuok small heat sealed transparent plastic sachet sa suspected shabu na gibana-bana motimbang sa 7.02 grams sa kantidad Php47, 736.00 ka pesos, isa kabuok kaha sa posporo, isa ka Php1, 000 peso bill gigamit isip marked money, isa ka jewelry box na may suyod na aluminum foil, upat (4) kabuok disposable lighter, isa ka pink na wallet ug duha ka National ID.
Kasong kalapasan sa Article II, Sec. 5 ug Sec. 11 sa RA no. 9165 an mga suspek ug jaon kuman sa kustodiya sa General Luna MPS. (Mark James Lisondra)