Nadakpan an 31 anyos na tomboy sa gikasa na drug buy bust operation pinaagi sa mga personahe sa drug enforcement unit sa Surigao City Police Station sa Purok 1-A, Brgy. Cagniog, siyudad nan Surigao.
Nakilay.an an suspek na si Cindy Lamoste Lim, alyas Dongdong, tricycle driver ug residente sa Purok 8, Sitio Cayutan, Brgy. Cagniog, siyudad nan Surigao.
Nasakmit gikan sa posisyon sa suspek an isa ka plastic sachet sa suspected shabu na pinalit sa posuer buyer na ginabana-bana motimbang sa kapin kon kuyang 0.16 gram sa kantidad P1, 088.00 pesos ug lain onse (11) kabuok plastic sachet sa suspected shabu gikan sa posisyon sa suspek na gibana-bana motimbang sa kapin kon kuyang .84 gram sa kantidad P5, 712.00 pesos, P1, 000 peso bill gigamit isip marked money, kwarta sa kantidad P700 ka pesos ug isa ka bag.
Kasong kalapasan sa Article II, Sec. 5 ug Sec 11 sa RA no. 9165 an suspek ug jaon kuman sa kustodiya sa Surigao City Police Station apil an mga ebedensiya. (Mark James Lisondra)