Nakawat sa waya pa makilay.i na suspetsado, an sa ka Single Motor (XRM fi 125) color itom nga may temporary plate number 1501-0317249.
Nakilay.an an biktima nga si Jayford Aumentado Langit, 22 anyos, ulitawo, residente sa Purok Acacia Brgy. Magsaysay, Placer, Surigao del Norte.
Basi sa imbestigasyon sa kapulisan sa Placer, nakaparking an single motor sa biktima sa ija balay ug sanglit kinapoy sa ija trabaho hinanok an biktima sa ija pagkatuyog.
Matud pa sa biktima nga jadton Hulyo 12, 2024 adlaw’ng byernes, nakamatikod an ija silingan nga jaoy nagpaandar nan ija single motor mga alas alas 12:00 sa kadlawon hampan nag tuo lamang sila nga an biktima.
Hulyo 13, 2024 adlaw’ng Sabado, nasayran nan biktima pagmata sa buntag, waya na an ija single motor.
Dali kining mikadto sa PLACER PNP aron nga magpa blotter sa panghitabo, samtang karon an kapulisan padajun an ilang imbestigasyon para mahibaw.an an responsabling kawatan.
An biktima nga si Jayford Aumentado Langit, an nanawagan kumam sa publiko na kung kinsa man an naka-kita sa single motor nga makita sa hulagway mahimong mokontak sa numero PLACER PNP 0998 – 598 – 7343. (Mark James Lisondra)