Nadakpan an isa ka panday sa gikasa na drug buy bust operation sa mga tinugyanan sa kapulisan jadton Agosto 31, 2024 sa may Narciso kanto Vasquez Street, Brgy. Washington, syudad nan Surigao sa alas 10:35 an takna sa buntag.
Nakilay-an an suspek nga si Joselito Lumbres Galapin, alyas Lito/raffy, layaki, menyo, 44 anyos, panday, residente sa nahisgutang lugar.
An suspek nasakpan sa akto nga namaligya ug illegal na druga ug nakuha gikan sa possession ug control an mosunod: isa (1) ka plastic sachet sa suspected shabu na gipalit sa poseur buyer ug laing napulo (10) ka plastic sachet sa gituohang shabu sa kinatibuk-ang gibug-aton sa kapin o menos 1 ka gramo sa kantidas Php6,800.00, isa ka Php1,000 peso bill gigamit isip marked money ug isa ka pack na segarilyo.
An suspek ug an nakumpiska nga druga ug iban pang mga ebedensiya an jaon sa kustodiya sa Surigao City PS alang sa tukmang disposasyon. (Mark James Lisondra)