Nakabsan sa kinabuhi an isa ka mananagat human kini gituohang nalumos sa tubig dagat nga nahitabo sa Barangay Bitaugan, siyudad nan Surigao.
Nakilay.an an namatay na si Edelberto Vega Sulit Jr., 27 anyos ug residente sa Purok 1, Barangay Bitaugan, siyudad nan Surigao.
Sa imbestigasyon ngadto na kay Ms. Gorde, mga alas 7:00 nan duyom jadton Hulyo 29, 2024, nanagat an biktima iban an tuyo ka mananagat sa kadagatan nan Barangay Bitaugan. Apan mga alas 3:00 sa kadlawon kagahapong Hulyo 30, 2024, namatikdan sa mga kaiban nga naglisod sa pagginhawa an biktima human mihaw.as gikan sa dagat.
Gisuwayan pa sa mga kaibanan pag salbar sa kinabuhi apan nakabsan sa kinabuhi an biktima. An IOC nihangyo ug post-mortem examination sa Surigao City Health Office aron masuta an hinungdan sa kamatayon sa biktima. Sa pagka kuman an patay’ng kawas sa biktima an jaon naka haya sa Nilo Funeral Services.
(Mark James Lisondra)