Nadakpan an isa ka Barbero sa gilusad na Drug Buy Bust Operation pinaagi sa mga personahe sa Provincial Drug Enforcement Unit sa SDPPO sa may Purok 10, Punta Bilang-Bilang, Brgy. Taft, syudad nan Surigao sa alas 2:30 an takna sa kadlawon kagahapong adlawa.
Giila an suspek nga si Renante Mera Limbago, aka Paras/ Bobong, 45 anyos na layaki, ulitawo, Barbero, residente sa nahigutang lugar.
Nasakmit sa posisyon sa suspek an isa ka gamay na transparent plastic sachet sa suspected shabu pinalit sa posuer-buyer ug laing onse (11) kabuok plastic sachet sa suspected shabu nga gibana-bana an tanan motimbang sa 10 grams sa kantidad P68,000.00 ka pesos, P1,000 peso bill gigamit isip marked money ug mga non drug evidence.
Mag atubang sa kasong kalapasan an suspek sa Article II, Sec. 5 ug Sec. 11 sa RA no. 9165 ug jaon kuman sa kustodiya sa SDPPO. (Mark James Lisondra)