Nadakpan an isa ka High Value Individual sa gilusad na drug buy bust operation kagahapong adlawa Hulyo 15, 2024 sa Purok 1, Don Julio, Brgy. Canlanipa, SC.
Nakilay.an an suspek nga si Albert Asimoden Yepis, 37 anyos na layaki, residente sa Pantalan 2, Brgy. Washington, SC sa alas 10:15 an takna sa buntag.
Nasakmit sa posisyon sa suspek an isa ka plastic sachet sa suspected shabu nga gibana-bana motimbang sa kapin kon kuyang 0.16 gram sa kantidad P1, 088.00 ka pesos.
- 17 kabuok ka plastic sachet sa suspected shabu nga gibana-bana motimbang sa kapin kon kuyang 2.84 grams sa kantidad P19, 312.00 ka pesos;
- Isa ka P1, 000 peso bill gigamit isip marked money;
- Kwarta sa kantidad P270.00 ka pesos ug duha ka brown envelope
![](https://rpnradio.com/wp-content/uploads/2024/07/Buy-bust-operation-1-300x196.jpeg)
Basi sa imbestigasyon nasayran nga an suspek nadakpan sa PDEA sa pareho nga kaso jadton 2008 ug gibuhian sa Surigao City Jail human na dismissed an kaso jadton 2010.
Mag atubang sa kasong kalapasan sa article II sa Sec. 5 ug Sec. 11 sa RA no. 9165 an suspek ug jaon kuman sa kustodiya sa Surigao City Police Station. (Mark James Lisondra)