Surigao: Heritage Walk sa City Tourism and Cultural Affairs giselebrar tibuok buyan sa Mayo

0
4
(Photo courtesy of Surigao City PIO)

An City Tourism and Cultural Affairs Office nag-organisar ug isa ka Heritage Walk nga nagsubay sa mahinungdanong mga makasaysayanong dapit sa siyudad agig pagpasidungog sa National Heritage Month.

Nahiuyon sa tema nga “Championing Heritage, Capacity Building to Transform Communities,” an City Government of Surigao pinaagi sa City Tourism and Cultural Affairs Office, aktibong nakigbahin sa mga kalihokan sa selebrasyon sa tibuok Mayo.

An Heritage Walk nagsilbi nga plataporma sa pagpasidungog sa lokal nga mga heritage sites, iban sa lokal nga adventurer ug travel guide nga si Leonardo “Nards” Go nga naghatag ug historical insight sa matag lokasyon.

Gisuportahan sa mga empleyado sa siyudad, an pagpanaw nagsugod gikan sa Provincial Police Station, pag-navigate sa mga bantogang landmarks sama sa El Honor al Trabajo Monument ug Luneta Park Kiosk, sa waya pa matapos sa City Hall.

Gawas sa pagsaulog sa kabilin, kini nga kalihokan nagpasiugda sa importante nga papel sa mga komunidad sa pagpreserbar sa mga kultural nga kabilin.

An Panggamhanan sa Dakbayan sa Surigao nagpaabot ug imbitasyon sa publiko nga aktibong moapil sa pagpanalipod sa atong mga makasaysayanong dapit. (Mark James Lisondra)

(Source: Surigao City PIO)

Leave a Reply