General Santos City – Nakitagbo ang mga personahe sa Philippine Statistics Authority (PSA) ug City Planning and Development Office (CPDO) ngadto kang GenSan City Mayor Lorelie Geronimo Pacquiao ning nakalabay’ng adlaw sulod mismo sa buhatan sa alkalde.
Kini aron sa paghatag og update report kabahin sa Community-Based Monitoring System (CBMS).
Ang CBMS usa ka importanteng himan nga gigamit sa pagkolekta sa socioeconomic data sa mga panimalay sa lebel sa Barangay.
Ang tumong niini mao ang pagsuporta sa mga Local Government Units (LGUs) sa pagpatuman sa mga kalihokan nga nakasentro sa mga lungsoranon samtang nagsiguro sa pagkamay-tulubagon, transparency ug tukma nga paggamit sa kahinguhaan. (Rem Agdon)