San Jose, Dinagat Islands – Gitestingan pagpadagan ni Governor Nilo P. Demerey Jr. ang mga bag-ong electric scooter nga ipanghatag ngadto sa mga kapitanes sa lagyong barangay sa Province of Dinagat Islands.
Sumala pa ni Demerey Jr. nga iyaha kining ipang apud-apod ngadtu sa mga Kapitanis arun magamit nila nga service vehicle kung duna may galing lakaw ang maong opisyal.
Ang mga kapitan nga anaa nahimotang ang ilang barangay layo sa kadagatan hatagan niya ug mga electric scooter samtang pumpboat ang mga anaa sa kaislahan.
Si Demerey Jr. misaad na iyaha kini ipanghatag agi usab ug pasalamat ngadtu sa ilang walay puas nga pagsuporta ngadtu na kaniya.
Ang ipang tunol nga mga electric scooter gikan sa Kress Philippines nga adunay 2 ka oras nga rechargeable hours ug mulungtad kini sa 12 ka oras pataas depende sa kalayuon sa paggamit. (Janrelh Edera)