Sunod-sunod nga gi.aresto sa mga tinugyanan sa kapulisan an duha ka Wanted Person sa dakbayan sa Surigao human may mga kaso nga gi.atubang niini.
Unang gi.aresto an nakilay.an nga si Eddie Eviota Cavite, 61 anyos, may live in partner, mag uuma, residente sa Purok 5, Brgy. Serna, SC.
Nahitabo an pag aresto kagahapong adlawa sa Borromeo St. kanto San Nicolas St., Brgy. Taft, SC sa alas 12:28 an takna sa hapon.
An akusado an may Warrant of Arrest sa kriming Attempted Homicide ubos sa criminal case no. 24-20686 nga gi.isyu ni Hon. EDEN CRISPY B LASALA- CABALLES Presiding Judge sa MTCC Branch 1 Surigao City, pinetsahan Hunyo 21, 2024 nga may girekomendar nga piyansa sa kantidad P36, 000.00.
Ika duha nga gi.aresto an nakilay.an nga si Reynaldo Clamotsa Peñaranda, 39 anyos, residente sa Purok 6, Brgy. Luna, SC.
Nahitabo an pag aresto kagahapong adlawa sa Purok 6, Brgy. Mat.i, SC sa ala 1:30 sa hapon.
An akusado an may Warrant of Arrest sa kasong kalapasan sa Sec. 5 (B) sa RA no. 7610 kon Child Abuse ubos sa criminal case no. 15061 nga may girekomendar nga piyansa sa kantidad P200, 000 nga gi.isyu ni Hon. Jacqueline J. Ongpauco-Cortel an Presiding Judge sa Regional Trial Court Branch 29 pinetsahan Oktubre 21, 2024 SC.
An mga na arestong mga akusado an jaon sa kustodiya sa Surigao City Police Station. (Mark James Lisondra)