Gi.aresto sa mga personahe sa Surigao del Norte Provincial Intelligence Unit kaiban an Surigao City Police Station an duha ka suspek human nalambigit sa mga smuggled nga mga segarilyo dinhi sa syudad nan Surigao.
Nahitabo an pag aresto jadton milabay’ng adlaw sa may Pantalan 1 ug Pantalan 2, Brgy. Taft, SC sa alas 4:19 nan hapon.
Nakilat.an ma duha ka suspek nga sila ni Tanjie Mangacop Panda-ag, 43 anyos nga layaki, residente sa Spring Vil, Km. 3, Brgy. Luna, SC ug si Salanudin Macasangan Abdul Samad, 31 anyos nga layaki, residente sa Kaskag Village, Brgy. Washington, SC.
Nakompiskar sa posisyon ni Salanudin Macasangan Abdul Samad an duha (2) ka ream nga New Orleans, isa (1) ka ream nga Fort Black Menthol, lima (5) ka pack nga Champion, nuybe (9) ka pack nga Aris, upat (4) ka pack nga Aris Black Menthol, duha (2) ka pack nga Fort, onse (11) ka pack nga New Berlin, duha ka pack nga New Orleans, onse (11) ka pack nga Cannon Methol, isa ka P1,000 peso bill gigamit isip marked money nga may Serial No. E3196422, duha (2) ka ream nga New Aris, isa (1) ka pack nga President, hampan sa posisyon ni Tanjie Mangacop Panda-ag, duha (2) ka ream nga New Orleans, isa (1) ka ream nga Cannon, upat (4) ka ream nga New Aris, isa ka P2, 000 ka pesos nga marked money nga may Serial No. EU359860 ug Z300763, may baynte (20) ka ream nga Champion Black Menthol ug desisais (16) ka ream nga New Orleans.
Mikabat sa P20, 000 ka pesos nga kantidad an mga nakompiskar nga mga segarilyo. Mag atubang sa kasong kalapasan sa RA no. 10963 kon National Revenue Code of Smuggled Cigarettes.
An mga na arestong suspek apil an mga ebedensiya an jaon kasamtangan gikustodiya sa Surigao City Police Station. (Mark James Lisondra)