Surigao City – Priso kuman sa Surigao City Police Station an duha ka suspetsadong layaki na manari.ay human kini nalambigit sa illegal na tare-tare kagahapong adlawa didto sa Sitio File, P-11, Brgy. Mat-i, Surigao City.
Nakilay.an an mga suspek nga sila ni Michael Epis Pujante, 36 anyos, layaki, may live-in partner ug residente sa P-3, Brgy. Mat-I, Surigao City, ug
Jerome Berina Cabuyaon, 32 anyos, may live-in partner ug residente sa P-2, Brgy. Mabini, Surigao City.
Kagahapong adlawa Marso 17, 2024, mga alas 12:00 sa udto, an intelligence operatives sa Surigao City Police Station, pinangulohan ni PSMS Von Michael A. Viajar, nagpahigayon ug surveillance sa palibot sa nahisgutang lugar gumikan sa report na may “Tare-tare” sa nahigutang lugar.
An maong operasyon miresulta sa pagkasikop sa nahisgutang mga suspek, sa inisyal na imbestigasyon nasayran nasakpan sa mirespondeng mga personahe an mga suspek sa akto nga nagpahigayon ug illegal nga kalihukan (Cockfighting) na naglambigit sa pagpusta ug kwarta na mokabat sa P 800.00.
Mag atubang sa kasong paglapas sa PD 449 an duha ka suspek ug jaon kuman sa kustodiya sa Surigao City Police Station. (Mark James Lisondra)