An Department of Labor and Employment kaiban an First District Representative Congressman Bingo Matugas an nanguna sa payout para sa 500 ka beneficiaries sa lungsod nan Burgos ug 590 ka beneficiaries sa lungsod nan Sta. Monica sa Tulong Panghanapbuhay sa Ating Disadvantage/Displaced Workers.
An maong aktibidad isa lamang sa hamok na kalihukan nga gipasiugdahan sa DOLE aron pagpasidungog sa mga kontribusyon sa mga mamumuo sa katilingban.
An TUPAD ulisa ka community based package na assistance nga naghatag ug emerhensya nga trabaho alang sa mga displace workers, underemployed ug seasonal nga mga trabahante suyod sa minimum period nga 10 ka adlaw apan an apan dili molapas sa maximum nga 30 ka adlaw depende sa matang sa trabaho nga himoon.
Sa mensahe ni Congressman Bingo Matugas atubangan sa mga beneficiaries sa sija mapasalamaton kay President Ferdinand “Bongbong” Marcos Jr., House Speaker Ferdinand Martin Romualdez ug sa Tingog Partylist Congresswoman Yedda Marie Romualdez sa suporta ug tabang na mapangajo an pundo gikan sa ila aron ipang apod-apod ngadto na sa katawhang Surigaonon.
Dugang pa sa Congressman na jadton waya makadawat nan cash assistance pay sa sunod kay gusto sa Congresista na makadawat an tanan ug ini na programa hangtod sa 2028.
Mitambong isab si Regional Director Joffrey M. Suyao nan DOLE Caraga ug namahayag na dakong tabang nan Gobyerno pinaagi sa TUPAD na programa. (Mark James Lisondra)