Napasakaan na ug kaso an duha ka lending collector sa City Prosecutor’s Office human kini nadakpan sa gilusad na drug buy bust operation sa mga personahe sa drug enforcement unit sa Surigao City Police Station jadton Hulyo 18, 2024 sa may Brgy. Canlanipa, siyudad sa Surigao.
Kung mahinunduman an duha ka suspek nakilay.an nga si Lowel Lubon Gingo, alyas weng-weng ug Melchor Acedilla Intong, alyas Imak.
Basi isab sa report sa Provincial Forensic Unit an duha ka suspek nag positibo sa Methamphetamine Hydrochloride. Positibo isab an duha sa urine sample.
An kinatibuk.ang timbang nga nasakmit sa posisyon sa mga suspek niabot sa 0.69 gram sa kantidad P4, 692 ka pesos.
An kaso gidawat ni Atty. Noel Francis Gealan an Deputy City Prosecutor sa kasong kalapasan sa Sec. 5 selling ug Sec. 11 possession of dangerous drugs sa RA no. 9165 nga may docket no. XIII-05-INQ-24F-00143.
(Mark James Lisondra)